劉德華為《熱血合唱團》秘密訓練3個月指揮　超靚字跡親筆信曝光！

由劉德華監製並主演嘅《熱血合唱團》雖然喺 2017 年已經拍完，但就受劉德華泰國墜馬受傷事件影響，令電影喺今年先可以上映！大家等到頸都長啦，電影喺嚟緊 11 月 26 日就會上映～

Photo from 《熱血合唱團》

電影由《五個小孩的校長》嘅關信輝執導，而關信輝都係因為見到劉德華喺金像獎頒獎禮入面同「5 個小孩」打成一遍，所以就萌生出開拍另一部青春電影。

Photo from 《熱血合唱團》

不過，原來當初劉德華只係打算為電影做監制，不過經過關信輝嘅游說後，終於應承出演。而劉德華為咗更好咁演出指揮家呢個角色，仲跟著兒童合唱團嘅指揮家秘密訓練咗 3 個月添！

Photo from youtube＠

故事講述劉德華飾演嚴厲的音樂老師嚴 sir 將三間Band 3 學校的學生學生組織埋一齊，成立咗個合唱團，培養佢哋喺音樂中搵出自我，並要佢哋特訓 9 個月後參加校際合唱團比賽。

Photo from 《熱血合唱團》

電影亦都大膽用上 33 位素人學生演員出演，但飾演「小龍」嘅 13 歲演員姚學智竟然一開始唔知劉德華係邊個，仲話唔知點解啲人見到佢會喊！不過好彩，最後劉德華都係同一眾學生 friend 過打 band～

Photo from 《熱血合唱團》

近日官方亦公布咗劉德華嘅親筆信，入面內容除咗充滿正能量之外，連劉德華嘅超靚字跡都係一大看點！唔少網民都大讚劉德華嘅字好清秀～

Photo from 《熱血合唱團》

有興趣嘅朋友千其唔好錯過呢部電影啦～

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）